Paula Olaizola Dk.
Paula Olaizola Rebe ikertzaileak ikerketa eta berrikuntzarako Europa mailan ematen den beka lehiakor ospetsuenetako bat eskuratu berri du. Doktoretza ondoko beka bat da, Marie Skłodowska-Curie (MSCA), Europako ikerketa eta berrikuntzako esparru-programan integratua, Horizonte Europa (2021-2027). Horri esker, Edinburgoko Unibertsitatean (EB) garatu ahal izango du bere ikerketa-ibilbidea datozen urteetan.
Paula Olaizolak doktoratu aurreko etapa osoa egin du IIS Biodonostian, eta doktore-tesi bikaina egin du Jesús Bañales eta María Jesus perugorria doktoreenzuzendaritzapean.
buru duen Institutuko Gaixotasun Hepatikoen Taldean. Etapa honetan lortutako merituen artean, 19 argitalpen nabarmentzen dira, horietako asko Paulak gidatuak, inpaktu handiko aldizkarietan, hala nola Journal of Hepatology, Nature Reviews Gastroenterology & Hepatology edo Annual Review of Pathology..(https://pubmed.ncbi.nlm.nih.gov/?term=Olaizola+P&sort=date)
Duela gutxi, doktoratu-ondoko ibilbidea hasi du Edinburgoko Unibertsitatean, Eusko Jaurlaritzako Unibertsitate eta Ikerketa Sailburuordetzako Doktore Ikertzaileen Hobekuntzarako Doktoratu Ondoko Programako beka batekin. Hain zuzen ere, unibertsitate horretan garatuko du Europako Batzordearen nazioarteko beka hau jaso duen proiektua.
Aipatutako biez gain, Paulak aplikatu duen beste doktoratu-ondoko beka lehiakor batzuk ere lortu ditu, besteak beste, Gibelaren Azterketarako Espainiako Elkartearena (AEEH), Ramon Arecesena, Alfonso Martin Escudero eta Euskal Herriko Unibertsiotateko Margarita Salasena. Horrek erakusten du ikertzaile gazte honen balio handia.
MSCAk ikerketa eta berrikuntzarako gaitasun europarra garatzen laguntzen du, ikertzaile bikainen epe luzeko karreretan inbertituz. Doktoratu-ondoko beken ekintza, doktoretza bat edo gutxienez 4 urteko esperientzia duten ikertzaileei zuzenduta dago, baldin eta beren ikerketa-jarduerak atzerrian egin, trebetasun berriak eskuratu eta beren karrerak garatu nahi badituzte. Beka horiek lortzeko, ebaluazio independentea eta Komisioak aurrez ezarritako irizpideak erabiltzen dira, lehiaketa batean.
ZORIONAK PAULA!!
