Biogipuzkoa Osasun Ikerketa Institutuak 2026ko Arizmendiarreta Saria jaso du, Gipuzkoako Sozietate Publikoen kategorian.
Arizmendiarrieta Sariek aintzatesten dituzte enpresaren eredu inklusibo parte-hartzaileak gomendatzen dituen balio humanistak eta kudeaketa-jardunbideak aplikatzeagatik nabarmentzen diren erakundeak. Testuinguru horretan, 15 pertsonak osatutako epaimahaiak Bellota Herramientas (Enpresen kategoria), Biogipuzkoa Osasun Ikerketako Institutua (Sozietate Publikoen kategoria) eta Hurkoa Fundazioa (Irabazi asmorik gabeko erakundeen kategoria) erakundeen lana nabarmendu du, Arizmediarreta Fundazioak sustatutako balio eta praktika horien aplikazioan.
Itziar Vergara Biogipuzkoako Zuzendari Zientifikoak jaso du saria Institutuaren izenean, Donostian, Deustuko Unibertsitatean, astelehenean, ekainaren 15ean egindako ekitaldian. Biogipuzkoako talde osoaren izenean eskerrak emanez hasi du hitzaldia, Institutuak duen aniztasuna eta konplexutasuna azalduz. Hala, aitortu duenez, “konplexutasun horri heltzen eta probetxua ateratzen saiatzeko, martxan jartzen saiatzen garen eta gure ahalegin guztia eskaintzen diegun tresnak dira partaidetzarako eta hauskarketa partekaturako elkarrizketa espazio eta aukera handiak, gardentasuna bermatzeko; horrela, profesional horiek guztiek ikertzeko konfiantza eta lasaitasun nahikoa sentituko dute, jarduera hau, funtsean, eskuzabaltasunean oinarritzen baita“.
Gainera, nabarmendu duenez, “guztiok partekatzen dugun misioa, eta gure erakundean oso finkatuta dagoen balio hori, gaixotasunak dituzten pertsonei eta pazienteei ematen diegun arreta hobetzeko ezagutza sortzea da. Bere parte-hartzearekin ere hori egiten dugu, beste osagai bat gehiago konplexutasun-agertokira gehitzeko, baina hori da gure azken helburua, pertsona horien guztien bizitza eta osasuna hobetuko duen ezagutza sortzea eta, gainera, ekitatetik egitea“.
Amaitzeko, onartu du errekonozimendu honek “indar, ilusio eta esker onez betetzen gaitu, baita poztasun apur batez ere“, baina harrokeriarik gabe, izan ere, bere amak Jose Migel Barandiarani esan zion bezala, “Ikusten sagarrondo hori? Zenbat eta fruta gehiago, orduan eta inklinatuagoa. Umila izan behar duzu”.
