Joan den urtarrilaren 30ean, Nafarroako SER IV. Sarien gala egin zen Iruñeko Baluarten. Besteak beste, Jesus Bañalesek ikerketaren saria jaso zuen, bere lana eta ikerketa-ibilbidea aintzatesteko.
Bañales doktorea, Ikerbasque ikertzailea eta Biodonostia OIIko Gaixotasun Hepatikoen Taldeko arduraduna, duela gutxi ebaluatu dute, ehunetik ehun punturekin, ‘Miguel Servet’ osasun-ikerketako azken deialdi nazionalean, eta gaur egun nazioarteko proiektu saritu baten buru da, gibeleko eta behazuneko minbiziak ikertzeko.
Sari honek izaera sozial nabarmena du, epaimahaiak ikusleek bidalitako proposamenak baloratu baititu eta hainbat kategoriatan saritutakoak aukeratu baititu: ingurumena, gastronomia, berrikuntza, lan humanitarioa eta soziala, ikerketa, ibilbide profesionala, kirola, kultura eta Nafarroako ohorezko saria.
