Aurten ere Bizitza Zientifikoak izeneko topaketa egin da Eureka! Zientzia Museoak antolatuta, Polymat, DIPC eta CFMren laguntzarekin, gazteen, DBHko 4. mailako ikasleen eta Batxilergoko ikasleen artean bokazio zientifikoak sustatzea helburu duena.

Ekimenaren helburu nagusia ikasleen arteko topagunea izatea da, beren irakasleek lagunduta, bai eta beren lana zientziarekin, teknologiarekin eta/edo ikerkuntzarekin lotutako hainbat arlotan garatzen duten profesionalen arteko topagunea ere.

Ikasleei Zientzia, Teknologia eta Ikerketarako benetako hurbilketa erraztu nahi zaie, eta ikasketak amaitu ondoren dauden lan-aukera eta irteera ugariak erakutsi.

Foro honetan, zientziarekin zerikusia duten ikasketak egiteko asmoa duten ikasleek etorkizunean izango dituzten lan-aukerak ezagutu ahal izan dituzte, ikasketa jakin batzuk egiteak zer esan nahi duen galdetu ahal izan dute, izan ditzaketen zailtasunak antzeman ahal izan dituzte, eta abar.

Aurten 200 ikaslek baino gehiagok eta 35 zientzia-profesionalek hartu dute parte ekimenean, eta Biodonostiak partehartze bikoitza izan du. Alde batetik, Biodonostiako Koldo Garciak, Miriam Gorostidik, Leire Iparragirrek, Andrea Iribarrenek eta Eva Peredak ikertzailek zentroak hartzeko sortutako espazioan parte hartu dute, eta Institutuak, oro har, garatutako jardueraren eta zentroko ikertzaile gisa izandako esperientziaren berri eman dute. Horretarako, hainbat poster argigarri erabili dituzte azalpenak emateko.

Bestalde, Short Comunication bi saioetan bi ikertzailek hartu zuten parte, beren bizitza zientifikoa ezagutarazteko. Urriaren 25eko jardunaldian, María Ercibengoa DUOko Mikrobiologia Zerbitzuko kide eta Biodonostia OIIko Gaixotasun Infekziosoen Arloko ikertzaileak parte hartu zuen. Azaroaren 8an, Institutuko Bularreko Minbiziaren Taldeko Joanna Lópezen txanda izan zen, eta medikuntzaren arloan emandako lehen urratsak eta ikerketa-ibilbidea azaldu zuen.

Bi jardunaldiak esteka hauetan ikus ditzakezue:

        • Urriaren 25eko jardunaldia (Maria Ercibengoa 00:22: 00etatik aurrera):

        • Azaroaren 8ko jardunaldia (Joanna López 1:02: 58tik aurrera):

Ekimen honetan parte hartzea Europako Batzordearen Horizon 2020 Programaren Ikerketa eta Berrikuntza Erantzukizuneko Politikaren (RRI) inguruan Biodonostiak sustatzen dituen jardueren artean kokatzen da.