19/04/18
Doktoregaia / Doctorando: Mara Gallastegi Bilbao.
Tesi Zuzendariak / Directores de Tesis: Juan José Aurrekoetxea Agirre eta Ana María Jiménez Zabala.
Data / Fecha: 2018ko apirilak 19, osteguna / Jueves 19 de abril de 2018.
Ordua / Hora: 11:00h.
Lekua / Lugar: Ada Lovelace aretoa, Informatika fakultatea, Donostia / Facultad de informática de San Sebastián, Sala Ada Lovelace
Laburpena / Resumen:
Tesi hau erradiazio ez-ionizatzaileko eremu elekromagnetikoen (EEI-EEM) esposizioaren ezaugarritzean zentratu da, 8 urteko umeek oso maiztasun txikiekiko (ELF), bitarteko maiztasunekiko eta irrati-maiztasunekiko duten esposizioaren (IM) ezaugarritzea burutuz. Ikerketa INMA (Ingurumena eta haurtzaroa) kohortearen parte izan da, zeina ingurumen eragileekiko esposizio goiztiarrek haurren garapenean eta osasunean duten eragina ikertzen duen ikerketa epidemiologiko prospektiboa da. Hasiera batean, 638 ama eta seme-alaba bikotez osatua zegoen. Laburbilduz, tesi honetan EEI-EEMen maiztasun tarte guztiak kontuan izan dituen metodologia aurkeztu da. Era ezberdinetako neurketak egin ziren umeek egunean zehar denbora gehien ematen duten lekuetan, hots, etxe, eskola eta parkeetan, lagin batean IMen neurketa pertsonalak egiteaz gain. Metodologien arteko konparazioa gauzatu da, komunitate zientifikoak egokienentzat dituen metodologiak (baina denbora edo ditu iturri handiak eskatzen dituztenak) esfortzu (ekonomiko edo bestelakoa) gutxiago eskatzen duten batzuengatik ordezkatu daitezkeen edo ez ikertzeko asmoz. Gainera, umeen amek EEI-EEMen inguruan zuten pertzepzioa jaso zen tesi honetan. Halaber, informazioa emateak pertzepzio mailetan zelako eragina zuen eta pertzepzio mailak zein aldagai soziodemografikorekin erlazionatuta zeuden aztertu ziren.
Tesi honek ikerketa epidemiologikoak gauzatzea ahalbidetuko du, esposizioaren deskribapena detaile handiz egin izanaren abantailarekin.