Biogipuzkoako OIIko Bularreko Minbiziaren Taldeko ikertzaile eta ko-liderra María Muñoz Caffarelek “Cáncer de mama precoz triple negativo: ¿cuándo menos es más y más no es suficiente?” jardunaldian koordinatzaile gisa parte hartu du. Jardunaldi hori duela gutxi egin du Bularreko Minbiziaren Ikerketarako GEICAM Taldeak, intrip jardunaldien zikloaren barruan.
Bularreko minbizirako tratamenduen aurrean izango den erantzuna iragartzea ahalbidetzen duten biomarkatzaileak erabiltzea premiazkoagoa da tumore hirukoitz negatiboaren azpimotan, mota hau oldarkorrenean eta aukera terapeutiko gutxien dituena baita. Izan ere, oso tumore talde heterogeneoa da, hartzaile hormonalen adierazpenik eza ezaugarri duena eta HER2/erBb2ren gainadierazpena/anplifikazioa aurkezten ez duena.
“Biomarkatzaileak definitzen jarraitu behar dugu tumore horiek sailkatzeko eta haien biologia ulertzeko, terapia zehatzei emango zaien erantzuna aurreikusi ahal izateko, batez ere tratamenduei oso modu desberdinean erantzuten dien azpimota oso heterogeneoa delako”, adierazi du María Muñoz Caffarel doktoreak.
Egoera goiztiarrean bularreko minbizi hirukoitz negatiboa duten pazienteen estrategia terapeutikoa eraginkorra izango dela hobeto jakiteko beharra bereziki garrantzitsua da immunoterapia bidezko tratamenduan, emaitza desberdinak baititu, topaketan agerian geratu zenez.
Ikusi jardunaldiak eman zuenari buruzko informazio gehiago GEICAM Taldearen oharrean (Gazteleraz).
