Carlos III.a Osasun Institutuak (ISCIII), Europako ORION (Open Responsible Research and Innovation to Further Outstanding Knowledge) proiektuaren esparruan, Osasunaren arloko Ikerketa eta Berrikuntza Arduratsuaren Sariak (RRI) aurkeztu ditu. Aurten lehen aldiz banatuko diren sari hauen helburua da egiaztatutako Osasun Ikerketako Institutuek (OII) beren jardueran RRIren printzipioak osasunaren arloan txertatzeko egiten duten lana aitortu, lagundu eta sustatzea.
RRI esparruak zientzia irekiaren kontzeptua sustatu nahi du, funtsezko 6 ardatzetan bildutako ekimenen bidez: herritarren parte-hartzea, ikerketaren emaitzetarako sarbide librea, gobernantza arduratsua, etika, hezkuntza zientifikoa eta genero-berdintasuna.
Biodonostia OIIak Hezkuntza Zientifikoan eta Herritarren Parte-hartzean oinarritutako proposamen batekin parte hartu du sari horietan, eta agerian geratu da bertan hezkuntzaren eta zientziaren balioaren transmisioan egiten ari den ibilbide zabala. Gainera, hautagaitzak Zahartze Zeharkako Ikerketa Arloarekin(IKAGURE BD) lotutako jarduera berriak jasotzen ditu, azken urtean RRI esparru horretan garatu direnak.
Sarirako hautagaitzak (aurkeztutako proiektuaren azalpena eta memoria eta jarduerari buruzko bideo deskribatzailea barne) ISCIIIren ebaluazio-fasean daude gaur egun.
Mila esker lan hau posible egin duzuen guztioi.
Jarraitu beharreko bidea da hau!
