Beste urte batez, atseginez jakinarazten dizuegu Biogipuzkoa OIIak bere ikastaroaren edizio berri bat antolatzen duela EHUren Udako Ikastaroen baitan.
Aurten ITSASGORA. Osasuneko berrikuntzaren olatu eraldatzailea izenarekin dator, 2026ko uztailaren 7an eta 8an izango da, Donostiako Miramar Jauregian.
Berrikuntzari Laguntzako Unitateak bultzatuta, ikastaroak bildu egingo ditu Estatuko eta autonomia-erkidegoko ekosistema sanitarioaren erakundeetako arduradunak, klinikoak, ikertzaileak, ekintzaileak eta kudeatzaileak, bi ardatz nagusiren inguruan:
- Jardunaldia: Uztailak 7, asteartea. Ageriko itsasaldiak: estrategia, asistentzia-berrikuntza eta lurralde-lankidetza.
Osasun-berrikuntzari buruzko jardunaldi bat, ikuspegi estrategiko batetik eta herrialde-ikuspegi batetik: zer osasun-sistema eraiki nahi ditugun, nola egin aurrera baliora bideratutako ereduetarantz, eta zer eginkizun izan dezakeen eskualdeen arteko lankidetzak.
- Jardunaldia: Uztailak 8, asteazkena. Sakoneko itsasaldiak: osasuna eraldatzen duen berrikuntza.
Joera disruptiboenetara bideratutako jardunaldia: osasun-datua eraldaketa-motor gisa, iraultza digitala osasuneko informazio-sistemetan, eta konputazio kuantikoak ikerketa biomedikorako eta osasun-kudeaketarako irekitzen dituen aukerak.
Agenda osoa hemen kontsulta daiteke.
Izen-emateak jada egin daitezke UIKeko webgunearen bitartez, honako esteka honetan: Hemen
Ilusioz gainezka gaude edizio honekin eta bertan elkar ikustea espero dugu.
